Kamis, 18 September 2014
Assallamuallakum Wr Wb.
Ingkang
kawula hormati Bapak Lurah, Bapak RT, Bapak RW serta bapak ibu ingkang kulo
mulyaaken.
Ingkang kaping setunggal
sumonggo kita sareng - sareng ngaturake puji syukur khadirat Gusti Allah SWT
ingkang sampun maringi rahmat lan hidayahipun dhumateng kita sedaya, lan
sumonggo kita sareng - sareng ngaturaken shalawat serta salam dhumateng
junjungan kito, Nabi Agung Muhammad SAW. Kaping kalih kulo ngaturaken matur
nuwun sanget dhumateng para bapak ibu ingkang sampun kersa rawuh wonteng
acaranipun maulid Nabi niki.
Para bapak ibu ingkang kawula hormati. Maulid Nabi Muhammad SAW
dipun pengeti saben tanggal 12 Rabiul Awal puniko ngelingaken dateng
kelahiranipun Kanjeng Nabi Muhammad SAW. Kanjeng Nabi puniko satunggalipun Nabi
ingkang minulyo lan pungkasaning para Nabi. Kanjeng Nabi diparingi amanah
saking Gusti Allah SWT supados ngajaraken agami islam lan Al Qur’an ingkang
dipun damel panutan gesang wonten alam dunyo.
Hikmahipun ingkang saget dipendet saking peringatan mauled nabi
niki :
- Nambah katresnan kito sedaya dhumateng Kanjeng Nabi Muhammad SAW.
- Ndadosaken sedanten tingkah lakunipun Kanjeng Nabi Muhammad SAW panutan wonten alam dunyo.
- Ngelestareaken ajaranipun Kanjeng Nabi Muhammad SAW.
Kito dados umatipun Kanjeng Nabi kedah saget mendet suri tauladan
sedanten tingkah lakunipun Kanjeng Nabi ingkang dipun damel panutan urip wonten
alam dunyo, lan mugi mugi kito sedaya saget ningkataken takwanipun dhumateng
Gusti Allah SWT ingkang sampun diajari dhumateng Kanjeng Nabi
Wusana cekap semanten mawon
atur kula menawi wonten kelepatan lan kirang langkungin atur, kulo nyuwun pangampunten.
Wassalamu'alaikum Wr Wb
